Woh Nabiyon mein rehmat laqab panay wala (Urdu only)

Woh Nabiyon mein rehmat laqab panay wala
Muraden Gharibon ki bar lanay wala
Museebat mein ghairon kay kaam aanay wala
Woh apnay paraye ka gham khanay wala

Faqeeron ka malja, Zaeefon ka maawa
Yateemon ka wali, Ghulamon ka Moula

Khatakaar say darguzar karnay wala
Bad-andesh kay dil mein ghar karnay wala
Mafasid ka zer-o-zabar karnay wala
Qabayel ko sheer-o-shakar karnay wala

Uttar kar Hirra say suy-e-qoum aya
aur ik nuskha keemiya saath laya

Mis-kham ko jis nay kundan banaya
Khara aur khota alag kar dikhaya
Arab, jis peh qarno say tha jehal chhaya
Palt di bas ik aan mein us ki kaya

Raha dar na beeray ko mouj-e-bala ka
Idhar say udhar phir geya rukh hawa ka